Emil Angel
Deemools a menger klenger Welt
A sengen humorvolle Kandheetserënnerunge léisst den Emil Angel déi Joren opliewen, wou hien, als klenge Bouf, sech no an no a senger Noperschaft kënneg mécht. Hien ass schonn als Kand un allem interesséiert, wat an der Strooss geschitt a bréngt et elo am Réckbléck fäerdeg, dem Lieser a senge klengen Erzielungen d’Leit an d’Liewe vun deemools – et geet ëm d’Zäit nom Zweete Weltkrich – plastesch virun Aen ze féieren. Villes huet sech zënterhier geännert, mä d’Leit an hirer Freed souwéi an hirem Leed si gréisstendeels déi selwecht bliwwen.
Den Emil Angel, gebuer 1940 zu Péiteng, war Schoulmeeschter, duerno Professer am Lycée Technique.
Zënter 1980 publizéiert hien op Lëtzebuergesch an op Däitsch: Theater, Erzielungen, Glossen, Reportagen, Romaner.
Säi Filmzenario „E Liewe laang“ gouf 1988 mam éischte Präis am „Concours national pour scénarios de films de fiction“ ausgezeechent a vun RTL verfilmt.
Den Emil Angel gouf am Oktober 2023 mam Stefan-Andres-Präis
ausgezeechent.
Umeldungen:
Reservéiert Är Plazen iwwer E-Mail op bibliotheque@differdange.lu oder iwwer Telefon op der Nummer 58 77 1-1920
Organisatioun:
Organiséiert vun der Bibliothèque municipale Differdange
